Դիմումատուները, ովքեր ցանկանում են դիմել մուտքի արտոնագիր (վիզա) ստանալու համար, պետք է ուշադիր ընթերցեն տրամադրված տեղեկատվությունը: Սույն կայքում առկա ուղեցույցները Ձեզ կօգնեն հնարավորինս ճշգրիտ պատրաստել Ձեր փաստաթղթերը` հիմնվելով Հայաստանում դիմումատուների կողմից կարճաժամկետ Շենգեն վիզայի համար ներկայացվելիք հիմնավորող փաստաթղթերի համընդհանուր ցանկի վրա: Դա կնվազեցնի Ձեր դիմում-հայտի թերի լինելու կամ դրա մշակման հետաձգման հավանականությունը:
Կարճաժամկետ Շենգեն վիզան (C տեսակ) նախատեսված է նրանց համար, ովքեր պլանավորում են այցելել Հունաստան և մնալ Շենգենյան տարածքում մինչև 90 օր 180 օրվա ընթացքում (6 ամիս) (Դուք կարող եք տեղեկատվություն ստանալ, թե ինչպես հաշվարկել Ձեր վիզայի օրերը <<Ճանապարհորդության օրերի հաշվիչ>> հատվածում:): Ճանապարհորդության նպատակը կարող է լինել զբոսաշրջություն, բիզնես, ընտանիքի անդամներին կամ ընկերներին այցելություն, մշակույթ և կրթություն, սպորտ, ճանապարհորդություն` բուժման, ուսման նպատակով, տարանցիկ թռիչքների և այլ նպատակներով: Խնդրում ենք նկատի ունենալ, որ համաձայն Վիզա կոդի բոլոր երրորդ երկրների քաղաքացիները Հունաստան մուտք գործելու համար հարկավոր է ձեռք բերեն վիզա: Վերոնշյալը վերաբերվում է մասնավորապես այն դեպքերին, երբ Հայաստանի քաղաքացիները մուտք են անում երրորդ պետություն առանց մուտքի վիզայի պահանջի և այնտեղից ցանկանում են մուտք գործել Հունաստան, օրինակ նավով ճանապարհորդելիս: Վիզայի դիմումը այժմ կարող է ներկայացվել վեց (6) ամիս առաջ և ոչ ուշ, քան նախատեսված այցի ամսաթվից տասնհինգ (15) օրացուցային օր առաջ:
Խնդրում ենք նկատի ունենալ, որ նրանք, ովքեր չունեն Հայաստանի Հանրապետության անձնագիր, դիմելու համար պետք է ունենան մշտական կամ ժամանակավոր կացության թույլտվություն, որը պետք է վավեր լինի Հայաստան վերադառնալու նախանշված ամսաթվից հետո ավելի քան երեք ամիս: Ցանկացած այլ դեպքում Հունաստանի հյուպատոսական մարմինը չի կարողանա մշակել Ձեր դիմում-հայտը:
Վիզայի համար դիմում-հայտերը կարող են ներկայացվել թե՛ Երևանում գործող Հունաստանի Վիզային կենտրոն, թե՛ անմիջապես Երևանում Հունաստանի դեսպանատան հյուպատոսական գրասենյակ (Վիզային օրենսգրքի 17-րդ (5) հոդվածի, Վիզային ռեժիմի պարզեցման մասին համաձայնագրի դրույթների շրջանակում):
Բոլոր դիմում-հայտերը կգնահատվեն Երևանում Հունաստանի դեսպանատան հյուպատոսական գրասենյակի կողմից: Հունաստանի Վիզային կենտրոնն առաջարկում է սուրհանդակային ծառայություն` Ձեր փաստաթղթերը Ձեր հասցեով ուղարկելու համար: Ծառայությունն ընդգրկում է միայն Երևան, Աբովյան, Եղվարդ և Էջմիածին քաղաքները:
Նախքան Ձեր դիմումի վերաբերյալ որոշում կայացնելը` Ձեզ կարող են հրավիրել Հունաստանի հյուպատոսական գրասենյակ` վիզայի հարցերով մասնագետի հետ հարցազրույցի համար:
Կարևոր: Վիզայի դիմումների դիտարկումը կարող է տևել առնվազն 5 աշխատանքային օրից մինչև 15 օր: Որոշ ազգությունների համար (տե՛ս ցուցակը այստեղ) և Ռուսաստանի քաղաքացիների համար վիզայի դիմումի համար անհրաժեշտ է հավելյալ խորհրդատվություն Շենգենյան այլ երկրներից, հետևաբար մշակման ժամկետը 15 օրից ավելի է և կարող է տևել մինչև 30 օր: Որոշ դիմումներ կարող են պահանջել հետագա դիտարկում, որը կարող է տևել մինչև 45 օր: Խորհուրդ է տրվում հայտերը ներկայացնել մեկնելուց առաջ հնարավորինս նախապես:
Համաձայն Շենգենյան վիզաների օրենսգրքի, դիմորդները կարող են դիմել դեպի Հունաստան վիզայի համար ճանապարհորդությունից 6 ամիս առաջ, և քանի որ գրեթե միշտ դժվարություններ են լինում վերջին րոպեին ամրագրում կատարելու հարցում, ԳՎՍ-ին կոչ է անում դեպի Հունաստան Շենգենյան վիզայի համար դիմորդներին, իրենց հայտերը ներկայացնել հիմա և ոչ ավելի ուշ։
Հունաստանի Վիզային կենտրոն դիմում ներկայացնելիս դիմումատուները վճարում են վիզայի վճար և ծառայության վճար, որոնք ենթակա են վճարման միայն ՀՀ դրամով, և ներկայացնում են հետևյալ Հիմնական փաստաթղթերը`
1 | Վիզայի դիմումի ձև | Ամբողջովին լրացված և ստորագրված դիմումատուի կողմից |
2 | Անձնագրի երկու նոր լուսանկար | Գունավոր լուսանկար` 3.5x4 սմ չափսի (մոտ. 1.2 x 1.6 դյույմ) Դիմահայաց, սպիտակ ֆոն |
3 | Անձնագիր | Անձնագիրը պետք է վավեր լինի Հայաստան վերադառնալու ամսաթվից սկսած առնվազն 3 ամիս Անձնագրում պետք է լինի վիզայի համար նախատեսված առնվազն երկու դատարկ էջ Նախորդ տասը (10) տարվա ընթացքում տրված անձնագիր Նույնականացման էջի 1 պատճեն և վիզաներ պարունակող բոլոր էջերի 1-ական պատճեն |
4 | Բժշկական ապահովագրություն (դիվանագիտական անձնագրեր ունեցող անձիք ազատված են) | Շենգենյան համաձայնագրի բոլոր երկրներում գործող` առնվազն 30,000 ԵՎՐՈ ծածկույթով բժշկական ծախսերի և բժշկական ցուցումներով հայրենադարձության ապահովագրություն` վիզայի վավերականության ամբողջ ժամանակահատվածի համար:
Դուք կարող եք ձեռք բերել ապահովագրական ծածկույթ ձեր ընտրած ցանկացած ապահովագրողից: Այնուամենայնիվ, ձեր դիմումն արագացնելու և հեշտացնելու համար մենք ցանկանում ենք ձեզ տեղեկացնել, որ GVCW-ն INSURTE եվրոպական ընկերության միջոցով, որը գործում է ԵՄ օրենքներով, համագործակցում է առաջին կարգի եվրոպական ապահովագրական ընկերությունների հետ: Ցանկության դեպքում սեղմեք հետևյալ կոճակը.
ԳՏԵՔ ԲԺՇԿԱԿԱՆ ԱՊԱՀՈՎԱԳՐՈՒԹՅՈՒՆ
Հրաժարում պատասխանատվությունից. սեղմելով «Գտնել բժշկական ապահովագրություն», դուք կվերահղվեք GVCW կայքից դուրս՝ մեր գաղտնիության ծանուցման ներքո: GVCW-ն չի ընդունում որևէ պատասխանատվություն, որը բխում է որևէ անձի կողմից ապահովագրական ծառայությունների գնումից կամ օգտագործումից: |
Ի լրումն և ելնելով ճանապարհորդության նպատակից՝ դիմումատուն ներկայացնում է անհրաժեշտ փաստաթղթերը:
ԳՎՍՈւ Հունաստանի վիզային կենտրոնը լիազորված է ՀՀ-ում դիվանագիտական և հյուպատոսական իշխանությունների կողմից դիմում հայտեր հավաքագրելու նպատակով: Հունաստանի վիզային կենտրոնը պատասխանատու է միայն դիմում հայտեր ընդունելու և ստուգելու համար, այն որոշման գործում չունի որևէ դերակատարություն:
Սովորական անձնագրեր ունեցող քաղաքացիներին, ովքեր ցանկանում են դիմել վիզայի համար, խնդրում ենք ուշադիր կարդալ կայքում տեղադրված տեղեկատվությունը: Ուղեցույցերը, որոնք տեղ են գտել կայքում, կօգնեն Ձեզ փաստաթղթերը հնարավորինս ճշգրիտ հավաքելու օգրծում: Այն կպակասեցնի փաստաթղթերի ոչ ամբողջական լինելու վտանգը կամ անհիմն ուշացումը:
Դիվանագիտական, ծառայողական և հասարակական հիմունքներով տրված անձնագիր ունեցող քաղաքացիները կարող են հանձնել իրենց դիմումները վիզա ստանալու նպատակով Երևանում գտնվող Հունաստանի դեսպանատանը կամ հյուպատոսական բաժնում:
ԱԶԳԱՅԻՆ - երկարաժամկետ մուտքի արտոնագրերի (‹‹Դ›› կարգի վիզա) վերաբերյալ ընդհանուր տեղեկությունների համար խնդրում ենք նկատի ունենալ, որ Հայաստանում Հունաստանի Վիզային կենտրոնը չի ընդունում Ազգային - երկարաժամկետ վիզաներ: Խնդրում ենք դիմումները ներկայացնել անմիջապես Երևանում Հունաստանի դեսպանատան/հյուպատոսի գրասենյակի (Վիզաների բաժին) միջոցով:
Դեսպանատունը/հյուպատոսական գրասենյակները իրավունք ունեն պահանջելու լրացուցիչ փաստաթղթեր և կարող են դիմումատուին հրավիրել հարցազրույցի:
Վիզայի դիմում-հարցաթերթիկների ձևերը ներբեռնելու համար հետևեք այս հղմանը այս հղմանը:
Շենգենյան տեղեկատվական համակարգում կամ Անցանկալի համարվող օտարերկրացիների ազգային գրանցամատյանում գրանցված լինելու պատճառով մերժված դիմումատուների իրավուքներին ծանոթանալու համար հետևեք այս հղմանը:
ՇԵՆԳԵՆՅԱՆ ազգային տեղեկատվական համակարգում (Շ-ԱՏՀ) առկա անձնական տվյալների մասին տեղեկատվության հարցման ձևին ծանոթանալու համար հետևեք այս հղմանը:
Խնդրում ենք ստուգել պահանջվող փաստաթղթերի ցանկը դիմումը ներկայացնելուց առաջ: Այս գործընթացը կնվազեցնի Ձեր դիմումի հետաձգման, ինչպես նաև կպակասեցնի փաստաթղթերի ոչ ամբողջական լինելու վտանգը:
Դուք պետք է պատրաստեք առանձին փաստաթղթերի փաթեթ յուրաքանչյուր դիմորդի համար (օրինակ. Եթե դիմում են ծնողները և երեխան, ապա կացարանի մասին փաստաթուղթը պետք է առկա լինի բոլորի փաթեթներում:): Միայն ընդունվում են A4 ձևաչաթի փաստաքղթեր:
Անհրաժեշտ է լրացնել դիմում-հայտի ձևը և ներկայացնել այն Երևանում գործող Հունաստանի Վիզային կենտրոն:
Ներբեռնեք, տպեք, լրացրեք և ստորագրեք փաստաթղթերի ցուցակը, որը ներառում և բացատրում է, թե ինչ փաստաթղթեր պետք է ներկայացնեք անձնագրի հետ Հունաստանի վիզային կենտրոն դիմելու ժամանակ։ Սա արվում է դիմում-հայտերը ավելի արդյունավետ ներկայացնելու և Ձեր իսկ ժամանակը Վիզային կենտրոնում խնայելու համար:
Հայաստանում 2013թ.-ի հոկտեմբերի 18-ի դրությամբ Շենգեն վիզա տրամադրող բոլոր դիվանագիտական ներկայացուցչությունների կողմից կիրառվող նոր վիզային համակարգի համաձայն` ՎՏՀ վիզայի դիմումատուները պետք է անձամբ ներկայացնեն իրենց դիմում-հայտերը` իրենց կենսաչափական տվյալները (10 մատնահետք և թվային լուսանկար) հանձնելու համար: Խնդրում ենք նկատի ունենալ, որ կենսաչափական տվյալները հանձնելու նպատակով բոլոր դիմումատուները, անկախ տարիքից, պետք է պարտադիր կերպով ներկայանան անձամբ:
Դիմում-հայտերը կարող են ներկայացվել մեկնումից առնվազն վեց (6) ամիս առաջ:
Կարևոր: Վիզայի դիմումների դիտարկումը կարող է տևել առնվազն 5 աշխատանքային օրից մինչև 15 օր: Որոշ ազգությունների համար (տե՛ս ցուցակը այստեղ) և Ռուսաստանի քաղաքացիների համար վիզայի դիմումի համար անհրաժեշտ է հավելյալ խորհրդատվություն Շենգենյան այլ երկրներից, հետևաբար մշակման ժամկետը 15 օրից ավելի է և կարող է տևել մինչև 30 օր: Որոշ դիմումներ կարող են պահանջել հետագա դիտարկում, որը կարող է տևել մինչև 45 օր: Խորհուրդ է տրվում հայտերը ներկայացնել մեկնելուց առաջ հնարավորինս նախապես:
Համաձայն Շենգենյան վիզաների օրենսգրքի, դիմորդները կարող են դիմել դեպի Հունաստան վիզայի համար ճանապարհորդությունից 6 ամիս առաջ, և քանի որ գրեթե միշտ դժվարություններ են լինում վերջին րոպեին ամրագրում կատարելու հարցում, ԳՎՍ-ին կոչ է անում դեպի Հունաստան Շենգենյան վիզայի համար դիմորդներին, իրենց հայտերը ներկայացնել հիմա և ոչ ավելի ուշ։
ՎԻԶԱՅԻ ՎՃԱՐ
Ստորև ներկայացված վճարները յուրաքանչյուր դիմումի համար գանձվում են կանխիկ` ՀՀ դրամին համարժեք գումարի չափով և ցանկացած պահի կարող են փոփոխվել:
Վիզայի տեսակներ | Եվրո | |||
---|---|---|---|---|
Կարճաժամկետ Շենգեն վիզա (C տեսակ) ՀՀ քաղաքացիների համար | 35 | |||
Կարճաժամկետ Շենգեն վիզա (C տեսակ) Ադրբեջանի, Բելառուսի և Կոսովոյի քաղաքացիների համար | 35 | |||
Կարճաժամկետ Շենգեն վիզա (C տեսակ) ոչ կենսաչափական անձնագրեր ունեցող Ալբանիայի, Բոսնիա և Հերցեգովինայի, Վրաստանի, Չեռնոգորիայի, Հյուսիսային Մակեդոնիայի Հանրապետության, Մոլդովայի, Սերբիայի և Ուկրաինայի քաղաքացիների համար * | 35 | |||
Կարճաժամկետ Շենգեն վիզա (C տեսակ) օտարերկրյա քաղաքացիներ | 80 | |||
Կարճաժամկետ Շենգեն վիզա (C տեսակ) Գամբիայի քաղաքացիների համար | 120 | |||
թոշակառուները միայն ՀՀ թոշակառուները | Անվճար | |||
12 տարեկանից ցածր տարիք ունեցող երեխաները | Անվճար | |||
ազգային ու տարածաշրջանային կառավարությունների և սահմանադրական ու գերագույն դատարանների անդամները, եթե նրանք սույն Համաձայնագրով ազատված չեն վիզայի պահանջից (Եվրոպական միության և Հայաստանի Հանրապետության միջև վիզաների տրամադրումը դյուրացնելու մասին) | Անվճար | |||
հաշմանդամություն ունեցող անձինք և նրանց ուղեկցող անձինք` ըստ անհրաժեշտության | Անվճար | |||
անդամ պետությունների(Հունաստանի) տարածքներում օրինական կերպով բնակվող Հայաստանի քաղաքացիներին կամ Եվրոպական միության քաղաքացիներին, ովքեր բնակվում են այն անդամ պետության (Հունաստանի) տարածքում, որի քաղաքացիներն են, այցելող մերձավոր ազգականները` ամուսինը (ամուսնությունը պետք է գրանցված լինի ԵՄ-ում), երեխաները (ներառյալ որդեգրվածները), ծնողները (ներառյալ խնամակալները),ամուսնու/կնոջ ծնողները, տատիկները, պապիկները, թոռները (բարեկամական կապը պետք է հաստատվի համապատասխան փաստաթղթերով) | Անվճար | |||
պաշտոնական պատվիրակության անդամները՝ ներառյալ պաշտոնական պատվիրակությունների մշտական անդամները, ովքեր Հայաստանին հասցեագրված պաշտոնական հրավերի հիման վրա մասնակցում են հանդիպումներին, խորհրդակցություններին, բանակցություններին կամ փոխանակման ծրագրերին, ինչպես նաև միջկառավարական կազմակերպությունների կողմից անդամ պետությունների տարածքներում կազմակերպվող միջոցառումներին | Անվճար | |||
դպրոցականները, ուսանողները, հետբուհական ուսուցում ստացող անձինք և ուղեկցող ուսուցիչները, ովքեր ճամփորդություն են ձեռնարկում ուսման կամ կրթական վերապատրաստման նպատակով, ներառյալ` փոխանակման ծրագրերի, ինչպես նաև դպրոցի հետ կապված գործունեության այլ ոլորտների շրջանակում | Անվճար | |||
լրագրողները և մասնագիտական պարտականությունների կատարման շրջանակներում նրանց ուղեկցող տեխնիկական անձնակազմը, եթե իրադարձությունը լուսաբանվելու է | Անվճար | |||
միջազգային սպորտային միջոցառումների մասնակիցները և մասնագիտական պարտականությունների կատարման շրջանակներում նրանց ուղեկցող անձինք | Անվճար | |||
քաղաքացիական հասարակության ներկայացուցիչները և անդամ պետություններում գրանցված հայկական համայնքային ոչ առևտրային կազմակերպությունների կողմից հրավիրված անձինք, որոնք ճամփորդություն են ձեռնարկում կրթական վերապատրաստումներին, սեմինարներին, խորհրդաժողովներին՝ ներառյալ փոխանակման ծրագրերի կամ համահայկական և համայնքային աջակցության ծրագրերի շրջանակներում մասնակցելու նպատակով | Անվճար | |||
գիտական, ակադեմիական, մշակութային և գեղարվեստական աշխատանքներին մասնակցող անձինք՝ ներառյալ համալսարանական և այլ փոխանակման ծրագրերը | Անվճար | |||
այն անձինք, ովքեր ներկայացրել են մարդասիրական նկատառումներով, ներառյալ` շտապ բժշկական օգնություն ստանալու համար, իրենց ճամփորդության անհրաժեշտությունը հիմնավորող փաստաթղթեր, և նման անձին ուղեկցող անձը, կամ մերձավոր ազգականի հուղարկավորությանը մասնակցելու կամ ծանր հիվանդ մերձավոր ազգականին այցելելու համար | Անվճար |
* Ուշադրություն. Կենսաչափական անձնագրեր ունեցող Հյուսիսային Մակեդոնիայի Հանրապետության, Ալբանիայի, Ուկրաինայի, Չեռնոգորիայի, Սերբիայի, Մոլդովայի, Բոսնիա և Հերցեգովինայի, Վրաստանի քաղաքացիներից Շենգեն վիզա չի պահանջվում: Ուշադրություն: Խնդրում ենք սեղմել այստեղ, իմանալու այն երկրների ցանկը, որի հետ ԵՄ ունի Վիզայի դյուրացման համաձայնագիր:
ԾԱՌԱՅՈՒԹՅԱՆ ՎՃԱՐ
‹‹ԳՎՍՈւ›› ընկերության Հունաստանի Վիզային կենտրոնը յուրաքանչյուր անձի համար գանձելու է ծառայության վճար` 30 Եվրոյին համարժեք ՀՀ դրամի չափով:
Քաղաքացիների հետևյալ խմբերը ազատվում են ծառայության վճարից
- 1-ին և 2-րդ կարգի հաշմանդամներ:
ՆԿԱՏԻ ՈՒՆԵՑԵՔ, ՈՐ
Վերը ներկայացված վճարները յուրաքանչյուր դիմումի համար գանձվում են կանխիկ կամ քարտով` ՀՀ դրամին համարժեք գումարի չափով Հունաստանի վիզային կենտրոնում և ցանկացած պահի կարող են փոփոխվել:
Հունաստանի Վիզային կենտրոնում բոլոր վճարները պետք է իրականացվեն կանխիկ կամ քարտով ` ՀՀ դրամով դիմում-հայտը ներկայացնելու պահին:
Հունաստանի Հանրապետության դեսպանությունում բոլոր վճարները պետք է իրականացվեն կանխիկ` եվրոյով դիմում-հայտը ներկայացնելու պահին:
2015թ.-ի հունիսի 23-ից սկսած Շենգեն վիզայի համար դիմող քաղաքացիները պետք է տրամադրեն իրենց կենսաչափական տվյալները, այն է` բոլոր տասը մատների մատնահետքերը և թվային լուսանկարը: Կենսաչափական տվյալները պահվելու են Վիզաների տեղեկատվական համակարգում (ՎՏՀ), որը Շենգենյան պետությունների միջև կարճաժամկետ մուտքի արտոնագրերի (առավելագույնը 90 օր ժամկետով` 180 օրվա ընթացքում) վերաբերյալ տվյալների փոխանակման կենտրոնական բազան է: ՎՏՀ-ի հիմնական նպատակներն են` դյուրացնել մուտքի արտոնագրերի համար դիմելու ընթացակարգերը, սահմանային ստուգումները, ինչպես նաև բարելավել անվտանգության մակարդակը:
Հետևաբար, 2015թ.-ի հունիսի 23-ից Շենգեն վիզայի համար դիմող բոլոր դիմումատուները դիմում նեկայացնելիս պետք է անձամբ ներկայանան Հունաստանի Վիզային կենտրոններ՝ իրենց մատնահետքերը տրամադրելու համար:
ՎՏՀ-ի շրջանակում պարտադիր մատնատպությունը գործում է անձնագրերի բոլոր տեսակների համար: Հյուպատոսական բաժինները պետք է վիզայի համար դիմող բոլոր դիմումատուներից հավաքեն կենսաչափական տվյալներ` թվային լուսանկար և մատնահետքեր: Հետևաբար, վիզայի համար դիմող բոլոր դիմումատուները, անկախ ազգությունից, վիզայի դիմում ներկայացնելիս պետք է անձամբ ներկայանան Վիզային կենտրոն` կենսաչափական տվյալները հանձնելու նպատակով:
(*) [1] Ավստրիա, Բելգիա, Չեխական Հանրապետություն, Դանիա, Էստոնիա, Ֆինլանդիա, Ֆրանսիա, Գերմանիա, Հունաստան, Հունգարիա, Իսլանդիա, Իտալիա, Լատվիա, Լիտվա, Լյուքսեմբուրգ, Լիխտենշտեյն, Մալթա, Նիդերլանդներ, Նորվեգիա, Լեհաստան, Պորտուգալիա, Սլովակիա, Սլովենիա, Իսպանիա, Շվեդիա, Շվեյցարիա:
Արտոնագրային օրենսգրքի 13-րդ հոդվածի 7-րդ պարբերության համաձայն` դիմումատուների հետևյալ կատեգորիաները ազատված են մատնահետքեր տրամադրելու պարտավորությունից`
- 12 տարեկանը չլրացած երեխաները,
- Անձինք, ումից ֆիզիկապես անհնար է վերցնել մատնահետքեր: Եթե հնարավորություն չկա վերցնելու բոլոր մատների մատնահետքերը, ապա անհրաժեշտ է վերցնել առավելագույն թվով մատնահետքեր: Սակայն, եթե, մատնահետքեր վերցնելը ժամանակավորապես անհնար է, ապա դիմումատուն պարտավոր է տրամադրել մատնահետքեր իր հաջորդ արտոնագրային դիմումի ժամանակ: Արտոնագրային օրենսգրքի 4-րդ հոդվածի 1-ին, 2-րդ և 3-րդ պարբերությունների համաձայն` պատկան մարմինները իրավասու են պարզաբանում խնդրել մատնահետքերի հանձնման ժամանակավոր անհնարինության պատճառների վերաբերյալ: Անդամ պետությունները ապահովում են համապատասխան ընթացակարգերի կիրառումը, որոնք երաշխավորում են հարգանք անձի արժանապատվության նկատմամբ, այն դեպքում, երբ կան դժվարություններ տվյալների ստացման հետ կապված:
- Պետությունների կամ կառավարությունների ղեկավարները, ազգային կառավարությունների անդամներն իրենց ուղեկցող ամուսինների և պաշտոնական պատվիրակությունների հետ միասին, երբ նրանք պաշտոնական նպատակով հրավիրված են անդամ պետությունների կառավարությունների կամ միջազգային կազմակերպությունների կողմից:
- Միապետերն ու թագավորական ընտանիքի ավագ անդամները, այն դեպքում, երբ նրանք պաշտոնական նպատակով հրավիրված են անդամ պետությունների կառավարությունների կամ միջազգային կազմակերպությունների կողմից:
Հիմնական ընթացակարգ
Կենսաչափական տվյալները հավաքագրվում են արագ, փակ և ոչ ինտրուզիվ գործընթացի միջոցով` թվային ֆոտոխցիկով լուսանկարելով դեմքը, իսկ մատնահետքերի թվային սկաների միջոցով իրականացվում է տասը մատների մատնահետքերի սկանավորում:
Ձեր դեմքը պետք է հստակ տեսանելի լինի լուսանկարչի համար: Սա նշանակում է, որ
- Ձեր մազերը չպետք է ծածկեն աչքերը,
- Դուք չպետք է կրեք գլխարկ կամ շարֆ կամ որևէ այլ իր, որը ծածկում է դեմքը, մազերը կամ պարանոցը՝ բացառությամբ կրոնական գլխաշորերի, որոնց կրելու ձևը նկարագրված է ստորև.
- Եթե կրոնական պատճառներով Դուք կրում եք գլուխը կամ պարանոցը ծածկող իր, ապա պետք է այնպես անեք, որ դեմքը հստակ տեսանելի լինի՝ կզակից մինչև հոնքերը, ներառյալ երկու այտերը: Հնարավորության դեպքում պետք է երևան նաև երկու ականջները: Լուսանկարահանվելու ժամանակ հնարավոր է ակնոցները հանելու անհրաժեշտություն առաջանա:
Եթե Դուք կտրել կամ վնասել եք Ձեր մատների ծայրերը, վնասվածքը բուժելուն պես Դուք պետք է հերթագրվեք Հունաստանի Վիզային կենտրոն ներկայանալու համար:
Եթե Դուք ունեք ժամանակավոր դաջվածք, օրինակ՝ ‹‹մեհնդի››, հերթագրվելիս Դուք պետք է դիմեք Հունաստանի Վիզային կենտրոն իմանալու համար արդյոք հնարավոր կլինի դրա սկանավարումը:
Եթե Դուք հրաժարվեք ներկայացնել Ձեր կենսաչափական տվյալները, ապա Ձեր վիզայի դիմում-հայտը չի կարող մշակվել, և Ձեզ կուղղորդեն Հունաստանի դեսպանատուն:
Նախքան Շենգեն վիզայի համար պահանջվող լուսանկարները ներկայացնելը, համոզվեք, որ դրանք միանգամայն բարձր որակի են, որպեսզի դրանց արտատպումը հեշտ լինի: Դիմորդը պետք է ներկայացնի երկու(ոչ ավել, քան 6 ամսվա վաղեմության) նկար, որոնք պետք է լինեն.
- 3,5 x 4 սմ (1.2 x 1.6 դյույմ)
- Նկարը պետք է լինի պարզ, ուրվագծված և բավարար լուսային հակադրությամբ
- Գունավոր, խնդրում ենք նայել ուղիղ խցիկին
- ճակատը և ականջները ամբողջությամբ բաց պետք է լինեն, առանց զարդերի:
- Արտացոլանքը ակնոցներից, արևային ակնոցներից անթույլատրելի է: Աչքերը չեն կարող քողարկվել ակնոցի շրջանակով:
- Խնդրում եք խուսափեք լուսանկարում լուսափայլի, ստվերի կամ կարմիր աչքերի առկայությունից: Լուսանկարը պետք է տպված լինի բարձրորակ թղթի վրագույները պետք է լինեն բնական և ճիշտ արտացոլեն մաշկի գույնը: Լուսանկարը չպետք է ունենա ճմրթվածություն, խազեր կամ լաքաներ:
Խնդրում ենք սեղմել հետևյալ հղմանը լուանկարի մանրամասներին ծանոթանալու համար:
Այս պահանջներին ծանոթանալը և դրանց լիարժեք բավարարումը կարևոր է, քանի որ, միայն սահմանված ձևաչափի դեպքում, դիմումատուի կենսաչափական ճանաչումը և լուսանկարի կատարյալ արտատպումը կարող են ճիշտ հաստատվել:
Ուշադրություն.
Խնդրում ենք հետևել վերը նշվածին: Եթե ներկայացված լուսանկարները չհամապատասխանեն վերը նշված կետերին, Ձեր դիմումը կհամարվի ոչ լիարժեք:
Համաձայն համաձայնագրի 2010 թվականի ապրիլի 5-ից ուժի մեջ մտած «Եվրոպական պառլամենտի եւ Խորհրդի 2009 թվականի հուլիսի 13-ի թիվ 810/2009 կանոնակարգի (15-րդ հոդված), դիմումատուները պետք է ձեռք բերեն ճամփորդական ապահովագրություն` նախքան ճամփորդական վիզայի համար դիմելը: Համապատասխան ճամփորդական ապահովագրության ձեռքբերումը Շենգեն վիզայի պահանջներից մեկն է:
Շենգենյան համաձայնագրի երկրների ճամփորդական ապահովագրության պահանջներն են՝
- Ճամփորդական ապահովագրությունը պետք է ներառի առնվազն 30,000 ԵՎՐՈ ծածկույթով բժշկական ցուցումներով տարհանման/հայրենադարձության ապահովագրություն (եվրոյով արտահայտված):
- Ապահովագրական ընկերությունը պետք է ունենա ներկայացուցչական գրասենյակ Եվրամիության անդամ երկրներում:
- Ապահովագրությունը պետք է վավեր լինի Շենգենյան համաձայնագրի երկրներում կացության ողջ ժամանակահատվածի ընթացքում:
Հարգելի դիմորդներ,
Դուք կարող եք ձեռք բերել ապահովագրական ծածկույթ ձեր ընտրած ցանկացած ապահովագրողից: Այնուամենայնիվ, ձեր դիմումն արագացնելու և հեշտացնելու համար մենք ցանկանում ենք ձեզ տեղեկացնել, որ GVCW-ն INSURTE եվրոպական ընկերության միջոցով, որը գործում է ԵՄ օրենքներով, համագործակցում է առաջին կարգի եվրոպական ապահովագրական ընկերությունների հետ:
Ցանկության դեպքում սեղմեք հետևյալ կոճակը.
ԱՄՐԱԳՐԵՔ ՁԵՐ ԱՊԱՀՈՎԱԳՐՈՒԹՅՈՒՆԸ ՀԻՄԱ
Հրաժարում պատասխանատվությունից. սեղմելով «Ամրագրեք հիմա ձեր ապահովագրությունը», դուք կվերահղվեք GVCW կայքից դուրս՝ մեր Գաղտնիության ծանուցման ներքո: GVCW-ն չի ընդունում որևէ պատասխանատվություն, որը բխում է որևէ անձի կողմից ապահովագրական ծառայությունների գնումից կամ օգտագործումից:
2013 թ. հունիսի 26-ի հ/մ 610/2013 կանոնակարգում փոփոխություններ կատարվեցին Շենգենյան համաձայնագիրը, Շենգենյան սահմանների օրենսգիրքը և Վիզաների օրենսգիրքը կատարող կոնվենցիայում և, ի թիվս այլոց, վերասահմանվեց երրորդ երկրների քաղաքացիների համար Շենգենյան գոտում «կարճաժամկետ մնալու» հասկացությունը, որը հանդիսանում է Շենգենյան ակտի հիմնական տարրը:
2013-ի հոկտեմբերի 18-ից երրորդ երկրի քաղաքացիների ճնշող մեծամասնության համար, անկախ վիզայի պահանջից կամ ազատումից, որոնք մտադիր են կարճաժամկետ մնալ Շենգենյան գոտում (հակառակ այն, որ անդամ պետություններից մեկում մնան 3 ամսից ավելի) լիազորված մնալու առավելագույն տևողությունը սահմանվում է որպես «90 օր ցանկացած 180 օրվա ընթացքում […]»: «Մուտքի ամսաթիվը համարվում է անդամ պետությունների տարածքում գտնվելու առաջին օրը, իսկ ելքի ամսաթիվը` անդամ պետությունների տարածքում գտնվելու վերջին օրը: Բնակության վայրում թույլատրված մնալու ժամկետները թույլտվությունը կամ երկարաժամկետ վիզան հաշվի չեն առնվում անդամ պետությունների տարածքում գտնվելու տևողությունը հաշվարկելիս »:
Հակառակ սահմանմանը, որն ուժի մեջ էր մինչև 2013 թ. Հոկտեմբերի 18-ը, նոր հայեցակարգն ավելի ճշգրիտ է `տևողությունը որոշելով օրերով, այլ ոչ թե ամիսներով: Ավելին, «առաջին մուտքի օրվանից» տերմինը, որն առաջացրեց բազմաթիվ անորոշություններ և հարցեր (հատկապես 2006 թվականից ԵՄ Արդարադատության դատարանի վճռից հետո (գործ 241/05 « Bot ») հանվել է դրույթից:
«Որևէ» հասկացությունը ենթադրում է «շարժվող» 180-օրյա հաշվետու ժամանակաշրջանի կիրառում `հետ մնալով յուրաքանչյուր օրվա հետադարձ հայացքով (լինի դա մուտքի կամ փաստացի ստուգման օրը), մինչև վերջին 180- օրվա ժամանակահատվածը `ստուգելու համար, արդյոք 90 օր / 180-օրյա պահանջը շարունակում է կատարվել:
Ի թիվս այլոց, դա նշանակում է, որ 90 օրվա անխափան ժամանակահատվածում բացակայությունը թույլ է տալիս նոր մնալ մինչև 90 օր:
Բուլղարիայում, Խորվաթիայում, Իռլանդիայում, Ռումինիայում, Կիպրոսում և Միացյալ Թագավորությունում մնալը հաշվի չեն առնվում, քանի որ դրանք (դեռ) չեն հանդիսանում Շենգենյան գոտու երկրներ առանց ներքին սահմանների: Միևնույն ժամանակ, ԵՄ անդամ չհանդիսացող պետությունները ՝ Իսլանդիան, Լիխտենշտեյնը, Նորվեգիան և Շվեյցարիան, պատկանում են Շենգենյան գոտուն. 90 օր / 180 օրվա կանոնին համապատասխանությունը գնահատելիս հաշվում են այս երկրներում կարճատև մնալը:
Խնդրում ենք նկատի ունենալ, որ փոփոխությունը չի տարածվում ԵՄ և Անտիգուա և Բարբուդա, Բահամներ, Բարբադոս, Բրազիլիա, Սենթ Քիթս և Նեվիս, Մավրիկիոս և Սեյշելյան կղզիներ կնքված վիզային ռեժիմի չեղարկման մասին պայմանագրերի վրա, որտեղ հին սահմանումն է («3 ամիս 6 ամսվա ընթացքում առաջին մուտքի ամսաթվին հաջորդող ժամանակահատված ») շարունակում է գործել: Այս 7 երրորդ երկրների քաղաքացիների համար հաշվիչը խորհուրդ չի տրվում օգտագործել:
ԵՄ-ի և երրորդ երկրների կողմից կնքված վիզայի դյուրացման համաձայնագրերին համապատասխան վիզայով ուղևորվող ոչ ԵՄ քաղաքացիների մնալու տևողությունը հաշվարկվում է ըստ նոր հաշվարկման մեթոդի, քանի որ այս պայմանագրերում հիշատակվում է «90 օր 180 օրվա ընթացքում »:
Դիմում-հայտը հանձնելուց հետո, կարող եք հետեվել Ձեր դիմում-հայտի ընթացքին առցանց և տեղեկանալ, երբ Ձեր անձնագիրը պատրաստ կլինի: Այս գործընթացը կհեշտացնի ստացման ընթացակարգը և կօգնի ավելի ճիշտ պլանավորել Ձեր օրը:
Դիմում_հայտին հետևելու համար պետք է իմանալ դիմում-հայտի համարը, որը կարող եք գտնել վճարման թերթիկի վրա, որը տրվել է Ձեզ դիմում-հայտի ընդունման ժամանակ և անձնագրի համարը:
Երբ առցանց հետևելու արդյունքում պարզվում է, որ Ձեր անձնագիրը պատրաստ է վերցնելու համար, կարող եք անձամբ ներկայանալ անձնագրի ետևից վիզայի դիմում-հայտի գործընթացի ավարտին: Խնդրում ենք հաշվի առնել, որ անձնագրի ետստացման համար հարկավոր է ներկայացնել անձնագրի ստացականը, որը տրվել է Վիզային կենտրոնում փաստաթղթերի ընդունման ժամանակ:
Սեղմեք այստեղ Հունաստանի վիզային կենտրոնում անփնագրի ստացման ժամանակացույցը իմանալու համար:
Եթե անձնագիրը ետ ստանալու համար անձամբ ներկայանալը անհնարին է, Դուք կարող եք լիազորել մեկ այլ անձի՝ Ձեր անձնագիրը Ձեր անունից ստանալու համար:
Եթե լիազորված անձը հանդիսանում է դիմումատուի բարեկամ և նրանք միասին են դիմել ՎԿ նույն օրը, բարեկամը պետք է իր հետ բերի՝
- Դիմորդ(ներ)ի անձնագրի ստացականը տրված Վիզային կենտրոնում
- Դիմումատուի անձնագրի պատճենը
- Բարեկամի անձը հաստատող փաստաթղթի բնօրինակը
- Դիմումատուի հետ ազգակցական կապը հաստատող փաստաթղթի բնօրինակը (ամուսնության վկայական, ծննդյան վկայական)
Կարևոր ծանուցում. ընտանիքի անդամները պետք է պարտադիր միասին դիմեն նույն ամսաթվին, որպեսզի ընտանիքի այլ անդամի (անդամների) անունից ետ ստանան անձնագրերը:
Եթե լիազորված անձը չի հանդիսանում դիմումատուի բարեկամ կամ հանդիսանում է այդպիսին, սակայն չի դիմել դիմումատուի հետ միասին, լիազորված անձը պետք է ներկայացնի՝
- Դիմորդ(ներ)ի անձնագրի ստացականը տրված Վիզային կենտրոնում
- Դիմումատուի անձնագրի պատճենը
- Դիմումատուի կողմից տրված լիազորագրի բնօրինակը՝ ստորագրված և նոտարի կողմից վավերացված
- Լիազորված անձի անձնագրի կամ անձը հաստատող փաստաթղթի բնօրինակը
Անչափահասների դեպքում լիազորված անձը պետք է ներկայացնի՝
- Դիմորդ(ներ)ի անձնագրի ստացականը տրված Վիզային կենտրոնում
- Դիմումատուի անձնագրի պատճենը
- Անչափահասի(անչափահասների) թե´ մոր, թե´ հոր կողմից տրված լիազորագրի բնօրինակը՝ ստորագրված և նոտարի կողմից վավերացված
- Անչափահասի մոր և հոր անձնագրերի պատճենը
- Լիազորված անձի անձնագրի կամ անձը հաստատող փաստաթղթի բնօրինակը
- Անչափահաս երեխայի օրիգինալ ծննդյան վկայականը
Անձնագրերը ետ ստանալիս ցանկալի է, որ դիմումատուները անմիջապես ստուգեն տրամադրված վիզայի համապատասխանությունը իրենց նախատեսված ճանապարհորդության ժամանակացույցին, ինչպես նաև դրանում առկա տեղեկատվության ճշգրտությունը:
ՏԵՂԵԿԱՏՎԱԿԱՆ ԹԵՐԹԻԿ ՎԻԶԱ ՍՏԱՑԱԾ ԱՆՁԱՆՑ ՀԱՄԱՐ
Ձեզ տրամադրել են վիզա՝ Շենգենյան գոտու երկրներ մուտք գործելու համար:
Կարճաժամկետ վիզա ստանալուն պես հավաստիացեք, որ դրանում զետեղված տեղեկատվությունը ճիշտ է:
Ստուգեք հետևյալ տեղեկատվությունը՝
- Ձեր անձնագիրը ունի անձնագրի համար (սերիա): Այդ համարը նշված է նաև վիզայի կպչուն թերթիկի վրա: Հավաստիացեք, որ այդ թվերը նույնն են:
- Դուք դիմել եք վիզայի համար որոշակի ժամանակահատվածի կամ ժամանակահատվածների համար: Հավաստիացեք, որ Ձեր ավիատոմսը համապատասխանում է վիզայի կպչուն թերթիկի վրա նշված մուտքի և ելքի ամսաթվերին:
- Հավաստիացեք, որ օրերի քանակը համապատասխանում է Ձեր վիզայի կպչուն թերթիկի վրա նշված ուղևորության ամսաթվերին:
- Հավաստիացեք, որ Ձեր անվան գրությունը ճիշտ է:
- Ինքներդ զբաղվեք վերոնշյալով՝ վիզայից օգտվելու ընթացքում ծագող ավելորդ խնդիրներից կամ հավելյալ ծախսերից խուսափելու նպատակով: Եթե կարծում եք, որ վիզայի վրա զետեղված տեղեկատվությունը սխալ է, անմիջապես տեղյակ պահեք հյուպատոսական մարմնին՝ սխալները շտկելու նպատակով:
Ինչպե՞ս ընթերցել վիզայի կպչուն թերթիկի վրա զետեղված տեղեկատվությունը
DURATION OF STAY………DAYS (ԱՅՑԻ ՏԵՎՈՂՈՒԹՅՈՒՆ/ԿԱՑՈՒԹՅԱՆ ԺԱՄԿԵՏ.........ՕՐԵՐ) նշումը ցույց է տալիս այն օրերի քանակը, որի ընթացքում Դուք կարող եք մնալ Շենգենյան տարածքում: Օրերը պետք է հաշվարկվեն Շենգենյան տարածք մուտք գործելու ամսաթվից (մուտքի կնիք) Շենգենյան գոտու տարածքից դուրս գալու ամսաթիվը (ելքի կնիք), այսինքն՝ երկու օրերն էլ ներառյալ:
«FROM ... UNTIL» - ի միջև եղած ժամանակահատվածը սովորաբար ավելի երկար է, քան «DURATION OF STAY» դաշտում նշված օրերի քանակը: Ժամանակահատվածների միջև տարբերությունը նախատեսված է Շենգենյան գոտու տարածք մուտքի և ելքի պլանավորման ճկունությունը ապահովելու համար, սակայն Ձեր կացությունը Շենգենյան տարածքում չպետք է գերազանցի «DURATION OF STAY............DAYS» դաշտում նշված օրերի ստույգ քանակը: Անկախ նրանից, թե քանի օր եք մնացել Շենգենյան գոտու տարածքում, Դուք պետք է հեռանաք այդ տարածքից ոչ ուշ քան «UNTIL» դաշտում նշված ամսաթիվը:
Սահմանային հսկողություն
ՁՁեր կարճաժամկետ վիզան (մուտքի արտոնագիրը) թույլ է տալիս Ձեզ մեկնել Հունաստան և սովորաբար Շենգենյան գոտու այլ երկրներ: Բայց դա ինքնաբերաբար Ձեզ իրավունք չի տալիս մուտք գործել Շենգենյան տարածք: Այսպիսով, սահմանում կամ այլ ստուգումների ժամանակ հնարավոր է Ձեզանից պահանջեն ներկայացնել որոշակի տեղեկատվություն, օրինակ, Ձեզ մոտ առկա բավարար միջոցների մասին կամ Հունաստանում և Շենգենյան տարածքում կացության ժամանակահատվածի և այցի նպատակի մասին: Որոշ դեպքերում նման ստուգումները կարող են հանգեցնել Հունաստան կամ Շենգենյան տարածք մուտք գործելու մերժմանը:
Ուստի, խորհուրդ ենք տալիս, որ Ձեզ մոտ ունենաք վիզայի համար դիմելիս ներկայացրած փաստաթղթերի պատճենները (օրինակ` նամակ-հրավերներ, ուղևորությունը հաստատող փաստաթղթեր և Ձեր ուղևորության նպատակը նշող այլ փաստաթղթեր): Սա կօգնի սահմանային հսկողության ընթացակարգը դարձնել ավելի դյուրին և սահմանի վրա խուսափել ձգձգումներից:
ԿԱՐԵՎՈՐ ՆՇՈՒՄ
Դուք չպետք է խախտեք Ձեր վիզայով թույլատրվող կացության ժամանակահատվածը: Չարաշահումը և նախատեսված ժամկետից ավել մնալը կարող են հանգեցնել Ձեր արտաքսմանը երկրից կամ որոշակի ժամանակահատվածի համար նոր վիզայի տրամադրման մերժմանը:
Շենգենյան վիզայի մերժման մասին որոշումը և մերժման պատճառները ծանուցվում են ստանդարտ ձևաթղթով, որը տրամադրվում է մուտքի արտոնագիրը մերժած անդամ պետության հյուպատոսության կողմից: Մերժման մասին ծանուցումը պետք է ներառի այն պատճառները, որոնց վրա հիմնավորվել է մերժումը, բողոքարկման կարգն ու ժամկետները:
Վիզա ստանալու մերժում ստացած դիմորդները կարող են բողոքարկել այս որոշումը։ Բողոքարկումը պետք է իրականացվի այն անդամ պետության դեմ, որը վերջնական որոշում է կայացրել դիմումի վերաբերյալ և այդ անդամ պետության ազգային օրենսդրությանը համապատասխան։ Անդամ պետությունները դիմումատուներին տեղեկատվություն են տրամադրում բողոքարկման դեպքում կիրառվող ընթացակարգի վերաբերյալ։
Դիմորդներն ազատ են կրկին դիմել, եթե նրանց դիմումը ավելի վաղ մերժվել է: Այնուամենայնիվ, խորհուրդ է տրվում նախքան նոր դիմում ներկայացնելը հաշվի առնել ավելի վաղ մերժման պատճառները և անհրաժեշտության դեպքում կատարել փոփոխություններ:
Վիզայի վճարը չի վերադարձվում, եթե վիզան մերժվում է: Վիզայի վճարը ծածկում է վիզայի դիմումի քննության ծախսերը: